വാതിൽ വേഗത്തിലടച്ച നിവേദ് അവളെ അരക്കെട്ടിനു ചുറ്റിപ്പിടിച്ചു വലിച്ചുകൊണ്ട് കട്ടിലിലേക്ക് വീണു… അവളുടെ അധരങ്ങളിൽ അമർത്തി ചുംബിച്ചുകൊണ്ട് അവന്റെ കൈകൾ മാറിടങ്ങൾ തേടി പാഞ്ഞു….

(രചന: Kannan Saju)

നിവേദിനൊപ്പം അവൾ റൂമിലേക്ക് കയറി… വാതിൽ വേഗത്തിലടച്ച നിവേദ് അവളെ അരക്കെട്ടിനു ചുറ്റിപ്പിടിച്ചു വലിച്ചുകൊണ്ട് കട്ടിലിലേക്ക് വീണു… അവളുടെ അധരങ്ങളിൽ അമർത്തി ചുംബിച്ചുകൊണ്ട് അവന്റെ കൈകൾ മാറിടങ്ങൾ തേടി പാഞ്ഞു….

മകളുടെ മൊബൈലിൽ നിവേദിന്റെ നമ്പറിൽ നിന്നും വന്ന ഭീഷണി സന്ദേശങ്ങൾക്കൊപ്പം ഉണ്ടായിരുന്ന വീഡിയോ കണ്ടുകൊണ്ടു നിന്ന വെറുമൊരു പലചരക്കു കടക്കാരൻ മാത്രമായിരുന്ന വിശ്വനാഥന്റെ കൈകൾ വിറച്ചു കൊണ്ടിരുന്നു…

പുഴയോരത്തുള്ള തന്റെ മൂന്നു മുറികളും അടുക്കളയും ഉള്ള ആ കൊച്ച് വീട്ടിൽ ഇത്രയും നാൾ താനും മകളും എത്ര സന്തോഷത്തോടെ ജീവിച്ചിരുന്നതെന്നു അയ്യാൾ ഓർത്തു…

അവനയച്ച മറ്റു ഫോട്ടോസും വീഡിയോയ്‌സും അയ്യാൾ ഓപ്പൺ ചെയ്തു… എലാം അവനൊപ്പം ഉള്ള സ്വകാര്യ നിമിഷങ്ങളുടേതാണ്…

അവസാനം എഴുതിയ വരികൾ വിശ്വനാഥൻ ഒന്നുകൂടി വായിച്ചു : ഒടുവിൽ എന്നെ ചതിക്കാൻ തന്നെ ആണ് നിന്റെ തീരുമാനം എങ്കില്, ഈ വിഡിയോകളും ഫോട്ടോകളും ആദ്യം അയച്ചു കൊടുക്കുന്നത് നിന്റെ തന്തക്കായിരിക്കും…

വിശ്വനാഥന്റെ കണ്ണുകളിൽ നിന്നും അടർന്നു വീണ കണ്ണുനീർ തുള്ളികൾ ജനനിയുടെ ഫോണിൻമേൽ പതിച്ചു…..

ഫോൺ നെഞ്ചോട് ചേർത്തു വെച്ചു അയ്യാൾ ഡോക്ടറുടെ വാക്കുകൾ ഓർത്തു….

” വിശ്വ, ഇത് ശരിക്കും പോലീസിൽ അറിയിക്കേണ്ടതാണ്… നമ്മള് തമ്മിലുള്ള ബന്ധം വച്ചും അവൾ തല്ക്കാലം സേഫ് ആയതുകൊണ്ടും ഞാനതു ചെയ്യുന്നില്ല… പക്ഷെ താൻ ഉടനെ അവളെ ഒരു

സൈക്കാട്രിസ്റ്റിനെ കാണിക്കണം.. ആത്മഹത്യ പ്രവണത പ്രശ്നമാണ്… അതിന്റെ കാരണം എന്ത് തന്നെ ആയാലും അതു കണ്ടെത്തി പരിഹാരം കാണണം ”

തന്റെ മുഷ്ടി ചുരുട്ടി അയ്യാൾ കലിയോടെ മേശപ്പുറത്തിടിച്ചു.വാതിൽ തുറക്കുന്ന ശബ്ദം കേട്ടു… ഫോൺ വിശ്വനാഥൻ കീശയിലേക്കിട്ടു…. അവൾ മുറിയിലേക്ക് കടന്നു വരും മുന്നേ അയ്യാൾ ഹാളിലേക്ക് ചെന്നു….

ഹാളിലേക്കു കയറി വന്ന ജനനി അയ്യാളെ നോക്കിക്കൊണ്ടു സോഫയിൽ ഇരുന്നു… മുന്നോട്ടു ചെന്നു വാതിൽ ചാരി തിരിച്ചു വന്ന വിശ്വനാഥൻ അവൾക്കു അഭിമുഖമായി സോഫയിൽ ഇരുന്നു…

മുഖമുയർത്താനുള്ള മടികൊണ്ടു ജനനി നിലത്തേക്ക് തന്നെ നോക്കിയിരുന്നു.”അച്ഛനോട് ഡോക്ടർ പറഞ്ഞത് മോൾക്കൊരു കൗൺസിലിംഗ് എത്രയും വേഗം വേണമെന്നാണ്… പക്ഷെ എനിക്ക് തോന്നുന്നു, ഏതെങ്കിലും പുതിയൊരാളുടെ മുന്നിൽ മനസ്സ്

തുറക്കുന്നതിനേക്കാൾ എന്നും അവളുടെ കൂടെ നിന്നിട്ടുള്ള അച്ഛന് മുന്നിൽ മനസ്സ് തുറക്കുവായിരിക്കും അവൾക്കു നല്ലതെന്നു. ”

വിശ്വനാഥൻ അവളെ തന്നെ നോക്കി….പൊട്ടി കരഞ്ഞു കൊണ്ടു ജനനി ഓടി വന്നയ്യാളുടെ ദേഹത്തേക്ക് വീണു.

മടിയിലേക്കു മുഖം കമഴ്ത്തി തന്റെ മുന്നിൽ മുട്ട് കുത്തി ഇരുന്നു കരയുന്ന അവളെ അയ്യാൾ തലയിൽ തലോടികൊണ്ടു ആശ്വസിപ്പിച്ചു.

മോളേ, സ്നേഹിക്കാൻ എളുപ്പമാണ്…. ആ സ്നേഹം നില നിർത്താൻ ആണ് ബുദ്ധിമുട്ട്… സ്നേഹം തലയ്ക്കു പിടിക്കുമ്പോൾ മനുഷ്യർ അന്ധരാവും.. പ്രത്യേകിച്ചും പ്രണയിക്കുമ്പോൾ… ആ സമയം പങ്കാളി ചെയ്യുന്നത്

തെറ്റാണെന്നറിഞ്ഞാലും അവരെ ന്യായീകരിക്കാൻ നമ്മൾ തന്നെ സ്വയം ഓരോ കാരണങ്ങൾ കണ്ടെത്തും… മോളൊരു തെറ്റും ചെയ്തിട്ടില്ല.. അങ്ങനെ എന്തെങ്കിലും തോന്നൽ എന്റെ മോൾക്കുണ്ടങ്കിൽ അതാദ്യം മനസ്സിൽ നിന്നും കളയണം…

അവൾ മെല്ലെ മുഖമുയർത്തി അച്ഛനെ നോക്കി….അവളുടെ കണ്ണുനീർ ഇരു കൈകൊണ്ടും തുടച്ചു മാറ്റി അയ്യാൾ പറഞ്ഞു : എന്താ എന്റെ മോൾക്ക് പറ്റിയെന്ന് അച്ഛനോട് പറ… മോളത് പറഞ്ഞു തീരും വരെ അച്ഛൻ ഒന്നും പറയില്ല.

അവൾ പറയാൻ തുടങ്ങി.നിവേദിന്റെ വീട്.സോഫയിൽ ഇരുന്നുകൊണ്ട് കുപ്പിയിലെ അവസാന പെഗും ഗ്ലാസ്സിലേക്കൊഴിച്ചു അകത്താക്കുന്ന നിവേദിന്റെ അരികിലേക്ക് ജോണും സെബാനും വന്നു….

അളിയാ കേക്ക് റെഡി… എപ്പോ ലൈവ് പോണൊന്നു പറഞ്ഞാ മതിതന്റെ കയ്യിലിരുന്ന കേക്ക് മേശപ്പുറത്തു വെച്ചു കൊണ്ടു സെബാൻ പറഞ്ഞു

കുറച്ചൂടെ ക്ഷമിക്കട…. ആ ഓട്ടോ ബിജുവിനോട് സാധനം കൊണ്ടൊരാൻ പറഞ്ഞിട്ടുണ്ട്…

ഈ ലോക്ക് ഡൗണിന്റെ സമയത്തു എവിടുന്നു സാധനം കിട്ടാനാടാ???സംശയത്തോടെ ജോൺ ചോദിച്ചു

അപ്പോ പിന്നെ ഞാൻ ഇത്രേം നേരം അടിച്ചോണ്ടിരുന്നത് എന്നതാ ???? രണ്ടു പെഗ് അവനടിക്കുന്നുള്ളു സാധനം എവിടുന്നേലും കൊണ്ടൊന്നു തരും.

പറഞ്ഞു തീർന്നതും ആരോ ബെല്ലടിച്ചു….പോയി നോക്ക്.. അവനായിരിക്കും ….സെബാൻ ചെന്നു വാതിൽ തുറന്നു.

മുന്നിൽ കാക്കി ഷർട്ടും കാവി മുണ്ടും ധരിച്ചു മുഖത്തു മാസ്കും വെച്ചു കയ്യിൽ കുപ്പിയുമായി അവൻ നിക്കുന്നു….

സെബാൻ മദ്യം വാങ്ങി വാതിലടച്ചു….എന്നാലും അവള് ഇമ്മാതിരി ഒരു തേപ്പ് തരൂന്നു ഞാനും കരുതീലാട്ടോ അളിയാ…..ജോൺ അതിനിടയിൽ എരിതീയിൽ എണ്ണ ഒഴിച്ചു….

കയ്യിലിരുന്ന സിഗരറ്റ് കുത്തിക്കിടത്തിക്കൊണ്ടു നിവേദ് അവനെ നോക്കി

ഞാനിവനോട് അപ്പഴേ പറഞ്ഞതാ നമുക്കും കൂടി തരാൻ… അന്നേരം ഇവന് ദിവ്യ പ്രണയം…

മദ്യക്കുപ്പി ടേബിളിൽ വെച്ചുകൊണ്ട് സെബാൻ പറഞ്ഞു….പറ്റിപ്പോയി അളിയാ…. ഇനി ഇപ്പൊ എന്തായാലും അവളെ എനിക്ക് വേണ്ട…. അതു നേരയാവൂല….

അല്ലേലും അവള് പിന്നെ നീ വിളിച്ചിട്ടു എടുക്കുന്നു പോലും ഇല്ലല്ലോ…..ജോൺ വീണ്ടും അവനെ പ്രകോപിപ്പിച്ചു….

നിനക്കൊക്കെ ഇപ്പൊ എന്നാ… ?? കിട്ടീല്ലെന്നല്ലേ ഉള്ളൂ… തല്ക്കാലം മക്കള് കണ്ടാശ്വസിക്കു….

നിവേദ് തന്റെ ഫോണെടുത്തു ജോണിന്റെ മടിയിലേക്കിട്ടുഅളിയാ ശരിക്കും ????സെബാൻ ആക്രാന്തത്തോടെ ചോദിച്ചു…ആട… കാണാനാണെൽ തുറന്നു നോക്ക്.

സെബാനും ജോണും ഫോൺ തുറന്നു… ജനനിയും നിവേദമായുള്ള വീഡിയോസ് കാണാൻ തുടങ്ങി…..

ഇരുവരും കാമം തലയ്ക്കു പിടിച്ചു ഞെളിപിരി കൊണ്ടു…..എന്റെ നിവീ……ഫോണിൽ നോക്കി തുടയിൽ തിരുമ്മിക്കൊണ്ട് സെബാൻ പറഞ്ഞു….

ബ്രോ… എങ്ങനേലും ഒറ്റ തവണ.. ഒരേ ഒരു തവണ ഞങ്ങക്കൊന്നു…. പ്ലീസ് ഡാ…..നിവേദ് ജോണിന്റെ യാചന കേട്ടു അവനെ നോക്കി ചിരിച്ചു…

തല്ക്കാലം ക്ഷമിക്ക്…. ആൽഫിയയെ കൊണ്ടോന്ന പോലെ എന്തേലും പറഞ്ഞു കൊണ്ടോരം….

ജോണിന്റെ മുഖം വിടർന്നു…..നീയാ ഫോണിങ് തന്നെ.. ഞാനിപ്പോ വരാം….സെബാൻ ഫോൺ പിടിച്ചു വാങ്ങി ബാത്റൂമിലേക്കോടി…

ഇവന്റെ ഒരു കാര്യം….ചിരിച്ചുകൊണ്ട് ജോൺ പറഞ്ഞു…എന്നാ ഓരോന്നൊഴിച്ചാലോ ???പിന്നെന്താ… തുടങ്ങാം…..

നിവേദ് കുപ്പി തുറന്നു ഇരു ഗ്ലാസ്സുകളിലേക്കും മദ്യം പകർന്നതും ആരോ വീണ്ടും ബെല്ലടിച്ചു…

ഇനി ആരാണാവോ ??? നാശംജോൺ നിവേദിനെ നോക്കി ചോദിച്ചുനീ പോയി ഒന്ന് നോക്കിയിട്ടു വാ….

നിവേദിന്റെ വാക്കുകൾ കേട്ടു ജോൺ വന്നു വാതിൽ തുറന്നു.മുന്നിൽ നിൽക്കുന്ന ആളെ കണ്ടു അവൻ ഒന്ന് നടുങ്ങി… തെല്ലും പരിഭ്രമത്തോടെ അവൻ നിവെദിനു നേരെ തിരിഞ്ഞു….

ആരാടാ ???അവന്റെ നോട്ടം കണ്ട് പന്തികേടു തോന്നിയ നിവേദ് ഉറക്കെ ചോദിച്ചുജന…ജനനിയുടെ അച്ഛൻ…..നിവേദിന്റെ മുഖം മാറി….എന്താ കാര്യം എന്ന് ചോദിക്ക്‌….

ജോൺ അയാൾക്ക്‌ നേരെ നോക്കി… ജോണിനെ മറികടന്നു അയ്യാൾ അകത്തേക്ക് വന്നു…

മോനെ… എനിക്ക് മോനോടൊന്നു സംസാരിക്കണം…..പറഞ്ഞോ…..നിവേദ് മുഖത്ത് നോക്കാതെ പറഞ്ഞു

വിശ്വനാഥൻ ജോണിനെ ഒന്ന് നോക്കിയ ശേഷം : എനിക്ക് മോനോട് ഒറ്റക്കാണ് സംസാരിക്കേണ്ടത്….

താൻ മോളുടെ വക്കാലത്തും കൊണ്ടു വന്നതല്ലേ ???? ഇവന്മാർക്കറിയാത്ത ഒന്നും ഇനി ഇല്ല… എന്തേലും പറയാനുണ്ടേൽ ഇവരുടെ മുന്നിൽ വെച്ചു പറഞ്ഞാൽ മതി….

എന്ത് ചെയ്യണം എന്നറിയാതെ വിശ്വനാഥൻ നിക്കവേ കൈകഴുകി ബാത്‌റൂമിൽ നിന്നും പുറത്തേക്കിറങ്ങി വാതിലടച്ചു കൊണ്ടു സെബാൻ : ജനനി ഒരൊന്നന്നര ചരക്കു തന്നേട്ടോ അളിയാ… ഇവളെ ഓർത്തു ഒരു മാസ്സം എങ്കിലും തള്ളി നീക്കാന്ന് തോന്നണു..

പറഞ്ഞുകൊണ്ട് തിരിഞ്ഞതും നോക്കുന്നതു വിശ്വനാഥന്റെ മുഖത്തേക്ക്അയ്യാൾ ഒന്നും മിണ്ടാനാവാതെ നിന്നു…

അങ്കിളിരിക്കു… ജോൺ കസേര നീക്കി ഇട്ടു കൊടുത്തു…..അയ്യാൾ തല കുനിച്ചു കസേരയിൽ ഇരുന്നു..

അങ്കിളേ.. ഇങ്ങനൊന്നും ആവേണ്ടതല്ലായിരുന്നു… ഞാൻ അവളെ അത്രക്കധികം സ്നേഹിച്ചു…. പക്ഷെ ഇപ്പൊ അവൾക്കു എന്നെ വേണ്ടാ… അതാ ഞാൻ…

നിവേദ് വിഷമത്തോടെ പറഞ്ഞുഅതുകൊണ്ട് മോൻ നിങ്ങൾക്കിടയിലെ രഹസ്യങ്ങൾ എല്ലാം പരസ്യമാക്കിയല്ലേ ???ജോണും സെബാനും പരസ്പരം നോക്കി…

നിവേദ് ഒന്നും മിണ്ടാതെ ഇരുന്നു….നിങ്ങള് രണ്ടു പേരും ഇഷ്ട്ടപ്പെടുമ്പോഴും പരസ്പരം എല്ലാം പങ്കു വെക്കുമ്പോഴും ഇവരോടൊക്കെ ചോദിച്ചിട്ടാണോ മോനെ ചെയ്തേ ????

അല്ല… നിവേദ് മുഖത്ത് നോക്കാതെ പറഞ്ഞു..നിങ്ങൾ രണ്ടു പേരും മറ്റാരോടും ആലോചിക്കാതെ സ്വയം തീരുമാനിച്ചു തുടങ്ങിയ ജീവിതം അവസാനിപ്പിക്കുമ്പോ മാത്രം എന്തിനാ മോനെ നീ നാട്ടുകാരോട് മുഴുവനും അത് പറഞ്ഞു നടക്കുന്നെ…. ??

അങ്കിളേ അവളെന്നെ ചതിച്ചപ്പോ പിന്നെ ഞാൻ എന്ത് ചെയ്യണമായിരുന്നു ????അപ്പൊ അവള് നിന്റേതല്ലെങ്കിൽ അവളെ ഇനി നിനക്ക് കിട്ടില്ലെന്ന്‌ ഉറപ്പായെങ്കിൽ പിന്നെ അവളോട് എന്ത് മോശവും ചെയ്യാമെന്നാണോ???

നിന്റെ ആവുന്നതിനു മുന്നേ തന്നെ അല്ലേ അവളെ നീ ഇഷ്ടപ്പെട്ടത് ?? നിന്റെ ഇഷ്ടം അവളെ അറിയിച്ച ശേഷം അല്ലേ അവൾ നിന്റേതായതു…. ? അന്നവളെ ആത്മാർത്ഥമായാണ് നീ സ്നേഹിച്ചതെങ്കിൽ ഇങ്ങനൊക്കെ നീ ചെയ്യുമായിരുന്നോ ????

അങ്കിളേ…. അവളെന്താ അങ്കിളിനോട് പറഞ്ഞു തന്നേക്കണേ എനിക്കറിയില്ല… പക്ഷെ..അവൻ വാക്കുകൾ കിട്ടാതെ വിഷമിച്ചു

മോനെ നീ അവളെ ഇഷ്ട്ടപ്പെട്ടു.. അത് നിന്റെ തീരുമാനം… തിരിച്ചവൾ നിന്നെ ഇഷ്ട്ടപെടുന്നു. അതവളുടെ തീരുമാനം… ഒരാളെ ഇഷ്ടപ്പെടുന്നത് പോലെ തന്നെ പ്രധാനമല്ലേ മോനെ, മുന്നോട്ടു പോവുമ്പോൾ അയ്യാളെ അംഗീകരിക്കാൻ

കഴിയാതെ വരുമ്പോൾ, ഇതല്ലല്ലോ ഞാൻ സ്വപ്നം കണ്ട ജീവിതം എന്ന് തോന്നുമ്പോൾ പിന്മാറാനുള്ള തീരുമാനം എടുക്കാനുള്ള സ്വാതന്ത്ര്യവും ?

അങ്കിൾ… അങ്കിൾ ഞാനെന്തു തെറ്റാ അവളോട് ചെയ്തതെന്ന് പറ ??? എന്ന ഉപേക്ഷിക്കാൻ മാത്രം എന്ത് തെറ്റാണ് ഞാനവളോട് ചെയ്തത് ??

നിങ്ങൾ ഒരുമിച്ചു മുൻപും ഈ വീട്ടിൽ വന്നിട്ടുണ്ട്.. പരസ്പരം….വിശ്വനാഥൻ ഒന്ന് നിർത്തിനിവേദ് തല കുനിച്ചു….

പരസ്പരം ബന്ധപ്പെട്ടിട്ടുണ്ട്… എല്ലാം ശരി.. പക്ഷെ അതെല്ലാം അവളുടെ സമ്മതത്തോടെ ആയിരുന്നില്ലേ ???? എന്ന് മുതൽ നീ അത് ബലമായി നിർബന്ധിച്ചു ചെയ്യാൻ തുടങ്ങിയോ അന്ന് മുതൽ അവൾ നിന്നിൽ നിന്നും അകന്നു തുടങ്ങിയത്…

അങ്കിൾ, അവള് ഞാൻ കെട്ടാൻ പോവുന്നവൾ അല്ലേ ???? എന്റെ ഭാര്യ ആവാൻ പോവുന്നവൾ അല്ലേ ??? എനിക്കിഷ്ടമുള്ളപ്പോൾ വഴങ്ങി തരേണ്ടവൾ അല്ലേ ????

എന്നാരു പറഞ്ഞു നിവേദ് ? …..പൂർണ്ണമായ നിശബ്ദതനിവേദ്…. സെക്സ് എന്ന് പറയുന്നത് ശരീരം കൊണ്ടെന്നതിനേക്കാൾ മനസ്സുകൊണ്ട് കൂടി തയ്യാറെടുപ്പു വേണ്ട ഒന്നാണ്… ആണുങ്ങളെ പോലെ അല്ല പെണ്ണുങ്ങൾ…

അവർക്കു അവരുടേതായ സ്വകാര്യതകൾ ഉണ്ട്… മാനസികമായ ബുദ്ധിമുട്ടുകൾ ഉണ്ട്.. ഒരു പങ്കാളിയിൽ നിന്നും അവർ പ്രതീക്ഷിക്കുന്നത് വിശ്വാസവും പരിഗണനയും ഒപ്പം ബഹുമാനവും ആണ്..നീ വിളിച്ചപ്പോൾ എല്ലാം അവൾ

നിന്നോടൊപ്പം വന്നത് നിന്നിൽ ഉള്ള അവളുടെ വിശ്വാസവും പ്രണയവും കരുതലും ആണ്….. എന്നും അവളെ മനസ്സിലാക്കി നീ കൂടെ ഉണ്ടാവും എന്ന കരുതൽ…. പക്ഷെ അവളുടെ സമ്മതം ഇല്ലാതെ ബലമായി അവളെ നീ

കീഴ്പ്പെടുത്താൻ തുടങ്ങിയ സമയം മുതൽ അവളിൽ നിന്നോടുള്ള വിശ്വാസം നശിച്ചു തുടങ്ങി…. അവളറിയാതെ നീ പകർത്തിയ നിങ്ങളുടെ സ്വകാര്യ നിമിഷങ്ങൾ കൊണ്ടു അവളെ നീ ഭീഷണി പെടുത്തി ഉപയോഗിക്കാൻ തുടങ്ങിയതോടെ അവൾക്കു നിന്നോട് വെറുപ്പായി ….

നിവേദ് ഒന്നും മിണ്ടാതെ ഇരുന്നു…..ജനനി ആത്മഹത്യക്ക്‌ ശ്രമിച്ചുആ വാക്കുകൾ കേട്ടു മൂവരും ഞെട്ടി….പേടിക്കണ്ട… ഞാൻ തക്ക സമയത്തു കണ്ടത് കൊണ്ടു രക്ഷിക്കാൻ പറ്റി….

ജോണും സെബാനും അവരുടെ അരികിൽ വന്നിരുന്നു…അങ്കിളേ…. ഞങ്ങളോട് ക്ഷമിക്കണം…. അവളിവാനെ ചതിക്കുവാണെന്നാണ് ഞാൻ കരുതിയത്…..

സെബാനെ നീ നിനക്കും അങ്കിളിനും ഉള്ളത് ഒഴിക്ക്‌…വേണ്ട… എന്റ കയ്യിൽ ഉണ്ട്…

തന്റെ പോക്കറ്റിൽ നിന്നും ക്യാൻ എടുത്തു തുറന്നു വിശ്വനാഥൻ മദ്യം വായിലേക്ക് കമെത്തി…. അയ്യാൾ കുടിക്കുന്ന കണ്ടു ജോണും സെബാനും നിവേദിനെ നോക്കി….

മൂവരും അവരുടെ ഗ്ലാസ്സുകളിലെ മദ്യം അകത്താക്കി….വിശ്വനാഥൻ കുടി നിർത്തി ക്യാൻ അടച്ചു പോക്കറ്റിൽ ഇട്ടു…..

അനുവാദം ഇല്ലാതെ അവളുടെ ശരീരത്തിൽ തൊടുന്നത് ഒരു പെണ്ണിനും ഇഷ്ടമാവില്ല നിവേദ്… പ്രത്യേകിച്ചും അവൾ ഏറ്റവും ഇഷ്ട്ടപ്പെടുന്ന പുരുഷൻ… പരിഗണിക്കപ്പെടാൻ അംഗീകരിക്കപ്പെടാൻ ഏതൊരു സ്ത്രീയും ആഗ്രഹിക്കും…

അതു നൽകുന്ന പുരുഷനോടാണ് അവൾക്കു പ്രണയമുണ്ടാവുക… ഒരു തവണ ഒരുത്തനു ശരീരം നൽകിയാൽ അതോടെ തന്റെ എന്തോ കളഞ്ഞു പോയെന്നു തെറ്റിദ്ധരിപ്പിക്കുന്ന നമ്മൂടെ സമൂഹം നൽകിയ പാഠം ഇതുവരെ പല പെൺകുട്ടികളുടെയും ജീവിതം

നശിപ്പിച്ചു…. എന്തുകൊണ്ടാണ് നമ്മുടെ പെൺകുട്ടികൾ ഇത്രയും മണ്ടികളായി പോയതെന്ന് ഞാൻ പലപ്പോഴും ചിന്തിച്ചിട്ടുണ്ട്… അവരൊറ്റക്കല്ലല്ലോ ഇതൊന്നും ചെയ്തത്… അവർക്കു ശരീരം കാഴ്ച്ച വെച്ച ആണിന് നഷ്ടപ്പെടാത്ത എന്ത് തേങ്ങയാണ് പെണ്ണിന് നഷ്ടപ്പെടുന്നത് ???

നാട് മുഴുവൻ അവിഹിതം ഉള്ളവനെ ആണായി വാഴ്ത്തുന്ന സമൂഹം സ്നേഹിച്ച പുരുഷന് മുന്നിൽ ശാരീരം നല്കിയവളെ വേശ്യ ആക്കുന്നു… ശരിയാണ്… ശരീരത്തിന് പവിത്രത ഉണ്ട്.. അത് കളങ്കപ്പെടുമെന്നും ചതിക്കപ്പെടുമെന്നും ഉറപ്പുണ്ടങ്കിൽ പിന്നെ അവൾ അതിനു മുതിരുമോ???

അത്രയ്ക്ക് വിശ്വാസം ഉള്ളതുകൊണ്ടല്ലേ അവൾ അവന്റേതാവുന്നതു… ഇല്ലെങ്കിൽ നിർബന്ധിച്ചു ഓരോന്ന് ചെയ്യിക്കുന്നതിനു പകരം എന്റെ താലി നിന്റെ കഴുത്തിൽ കയറിയിട്ട് മതി എനിക്ക് നിന്റെ ശരീരം എന്ന് പറയാൻ എത്ര ആണുങ്ങൾ തയ്യാറാവുന്നുണ്ട്… ???

അയ്യാളുടെ ഒരു ചോദ്യത്തിനും അവർക്കു ഉത്തരം ഇല്ലായിരുന്നു…..അമ്മയില്ലാതെ വളർന്ന കുട്ടി… ആദ്യമായി വയസ്സറിയിച്ചപ്പോ ഓടി വന്നത് അച്ഛന്റെ അടുത്തേക്കാ…. അതിനുള്ള ഉപായം ആദ്യമായി അവൾക്കു പറഞ്ഞു കൊടുത്ത് ചെയ്തു കൊടുത്ത് ആണായി പിറന്ന അവളുടെ ഈ അച്ഛനാ

അയ്യാൾ വിതുമ്പി കരഞ്ഞു….എന്ത് പറയണം എന്നറിയാതെ മൂവരും അയ്യാളെ നോക്കി ഇരുന്നു

ആണെന്ന സങ്കല്പം അവളിൽ അതായിരുന്നു…സ്നേഹം അഭിനയിക്കുന്നവരെ അവൾ തിരിച്ചറിഞ്ഞില്ല…. അവൾക്കു സ്നേഹിക്കുന്നവരെല്ലാം അവളുടെ അച്ഛനെ പോലെ ആയിരുന്നു…അയ്യാൾ കണ്ണുകൾ തുടച്ഛ് നിവേദിനെ നോക്കി

എന്റെ ഭാര്യ അവൾക്കു മൂന്നു വയസ്സുള്ളപ്പോൾ മരിച്ചതാ… ഇന്ന് പതിനെട്ടു കൊല്ലം കഴിയുന്നു… ഇതുവരെ ഞാൻ മറ്റൊരു സ്ത്രീയെ പ്രാപിച്ചിട്ടില്ല… അങ്ങാനാവണം എന്ന് ഞാൻ

പറയില്ല..അതൊക്കെ ഓരോരുത്തരുടെ ഇഷ്ടം.. പക്ഷെ ഒരു സമയത്തു ഒരു പെണ്ണിനെ മാത്രമായി സ്നേഹിക്കാനെങ്കിലും നിനക്കൊക്കെ പറ്റുമോ ???നിവേദ് മിണ്ടാനാവാതെ ഇരുന്നു

ജനനിയെ ആത്മാർത്ഥമായി സ്നേഹിക്കുന്നു എന്ന് പറഞ്ഞ അതെ സമയത്തു തന്നെ അല്ലേ ആൽഫിയയെയും രേഷ്മയേയും മെറിനെയും നിങ്ങൾ ഇവിടെ കൊണ്ടു വന്നത് ?

ഞെട്ടലോടെ അവർ വിശ്വനാഥനെ നോക്കിജനനി തേച്ചതിന്റെ കേക്ക് മുറി ആഘോഷം കഴിഞ്ഞു നിങ്ങളുടെ ഭീഷണി പ്രകാരം ഭർത്താവിനോട് കള്ളം പറഞ്ഞു രേഷ്മയോട് ഇവിടെ എത്താൻ ആവശ്യപ്പെട്ടിട്ടല്ലേ നിങ്ങളുടെ ഈ പ്രഹസനം ????

എന്താ നിങ്ങളുടെ ഉദ്ദേശം ????നിവേദ് കലിയോടെ ചോദിച്ചു….ജോണിന്റെ ഫോൺ ബീപ്പ് ചെയ്തു… അവൻ വാട്സാപ്പിൽ വന്ന മെസ്സേജ് തുറന്നു നോക്കി… ഞെട്ടലോടെ അവൻ നിവേദിനെയും സെബാനെയും നോക്കി : ഡാ ജനനി മരിച്ചെന്നു… ദാ ഫോർവേഡ് മെസ്സേജ്…

ഹോസ്പിറ്റലിൽ.ചറ്റും നോക്കിക്കൊണ്ടു ci : ഹാ… അങ്ങേരിതെവിടെടോ ???? ബോഡി ഹാൻഡോവർ ചെയ്യണ്ടേ ???അറിയില്ല സർ.. കാണുന്നില്ല…pc മറുപടി പറഞ്ഞു…

അവിടേക്കു വന്ന ഡോക്ടർ : സർ….എനിക്കൊരു കാര്യം പറയാനുണ്ടായിരുന്നു..എന്താണ് ഡോക്ടർ???

ഇന്നലെ ജനനിയുടെ ബോഡി കണ്ടത് മുതൽ വിശ്വനാഥൻ മാനസികമായി തകർന്നിരിക്കുവാണ്..ഇന്നലെ രാത്രി അയ്യാളെ കാണുമ്പൊൾ എനിക്കെന്തോ പന്തികേട് തോന്നി…

തെളിച്ചു പറയ്‌ ഡോക്ടർ…അയ്യാൾ മകൾ മരിച്ചെന്നു വിശ്വസിച്ചിട്ടില്ല… അവൾ രെക്ഷപെട്ടെന്നും അവൾക്കു കൗൺസിലിംഗ് വേണന്നു ഡോക്ടർ പറഞ്ഞെന്നും അയ്യാൾ എന്നോട് തന്നെ പറഞ്ഞു…

ഓഹ് മൈ ഗോഡ്…അയാളിപ്പോൾ മിസ്സിംഗ്‌ ആണ് ഡോക്ടർ…നിവേദിന്റെ വീട്.അടി കൊണ്ടു നിലത്തു വീണ വിശ്വനാഥന്റെ വായിൽ നിന്നും ചോര തുള്ളികൾ നിലത്തേക്ക് വീണു.. നിവരാൻ ശ്രമിച്ച അയ്യാളുടെ നെഞ്ചിൽ ആഞ്ഞു ചവിട്ടിക്കൊണ്ടു നിവേദ് : പറയടോ എന്താണ് തന്റെ ഉദ്ദേശം ????

അയ്യാൾ വാച്ചിലേക്ക് നോക്കി….ശേഷം നിവേദിനെ നോക്കി ചിരിച്ചു….ജോൺ ചുമക്കാൻ തുടങ്ങി. പിന്നാലെ സെബാനും… ഇരുവരും ചോര ശര്ദ്ധിക്കാൻ തുടങ്ങി… നിവേദും നെഞ്ചിൽ കൈ വെച്ചു..

ചുമ നിർത്താനാവാതെ അവനും ചോര ശർദ്ധിച്ചുവിശ്വനാഥൻ ചാടി എണീറ്റു….ഓട്ടോക്കാരൻ സാബു കൊണ്ടു വന്ന മദ്യത്തിൽ ഞാൻ ചേർത്ത വിഷമാടാ നീയൊക്കെ കുടിച്ചത്.. എന്റെ കുഞ്ഞിനെ നശിപ്പിച്ചിട്ടു നീയൊക്കെ…. അവളിനി

മരിച്ചാലും നിന്നെ തേടി പോലീസ് വന്നാലും, അവനൊക്കെ കൊണ്ടോയി നിന്നെ തീറ്റി പോറ്റും… അലങ്കിൽ നിന്റെ ഒക്കെ സ്വാധീനം വെച്ചു പ്രമുഖന്മാർ നിനക്കൊക്കെ വേണ്ടി കോടതിയിൽ എത്തും.. വീണ്ടും പുറത്തിറങ്ങി നീ ഇതൊക്കെ തന്നെ ചെയ്യും.. മരിക്കണം.. നീയൊക്കെ മരിക്കണം….

അയ്യാൾ വാതിലടച്ചു പുറത്തേക്കിറങ്ങി…ഏതോ വീട്ടിലിരുന്നു ആരോ ന്യൂസ് ചാനലിൽ വാർത്ത കേട്ടു : മൊബൈൽ ദൃശ്യങ്ങൾ കാണിച്ചു ഭീഷണി യുവതി ആത്മഹത്യ ചെയ്തു.. വിവരം അറിഞ്ഞു പ്രതികളായ മൂവരും പെൺകുട്ടിയുടെ കാമുകനായിരുന്ന

നിവേദിന്റെ വീട്ടിൽ മദ്യത്തിൽ വിഷം ചേർത്തു ജീവനൊടുക്കി… മാനസിക നില തെറ്റിയ പെൺകുട്ടിയുടെ പിതാവിനെ മാനസികാരോഗ്യ ചികിത്സക്കായി ആശുപത്രിയിൽ പ്രവേശിപ്പിച്ചു.